ES | EU
Gobierno Vasco

2016/17 ikasturtearen hasiera

  • 2016/07/03 |

2016/17 ikasturtearen hasiera irailaren 7an, asteazkena, izango da ondorengo ordutegiarekin:

DBH 1: 9.00
DBH 2: 9.30
DBH 3 eta Hezkuntza berezia: 10.00
DBH 4: 11.00
BATX 1: 12.00
BATX 2: 13.00

Egun hau aurkezpen eguna da. Ikasleak euren tutorearekin bilduko dira eta ordutegiak eta beharrezkoak diren argibideak emango zaizkie.

Ikasleak beraien erreferentziazko gelara ordurako hurbilduko dira; egun batzuek lehenago zerrendak, eta bakoitzaren gela, publiko egingo dira web orri honetan bertan, "Ikasleak" atalean, eta sarrerako kristaleratan.

Aurkezpenak, gutxi gora behera, ordubete iraungo du.

Klaseak, betiko ordutegian, hurrengo egunean, ostegunean, hilak 8, hasiko dira.

Gogoratzen dizuegu, irailean eta ekainean ordutegiak ez direla aldatzen.

Jantoki zerbitzua eta garraioa (hezkuntza berezikoentzat bakarrik) hurrengo egunetik, hilak 8, hasiko dira.

DBHko 4. mailako ikasleen agurra

  • 21/06/2016 |

Urtero bezala, aurten ere heldu da agur esateko garaia. Agur, edo irailerarte,  askorentzat.

Lau urte igaro dira, oroimenez bete-beteak. Hainbat eta hainbat gertaera... ez ditugu ahaztuko!

Europass-ak ere banatu dizkiegu Erasmus + proiektuan parte hartu duten ikasleei.

Udara on bat opa dizuegu!

Argazkiak irudien galerian ipintzen joango gara.

Batxilergoko eta DBHko ikasle (eta familientzat) oharra

  • 2016/06/18 |

Batxilergoa eta DBH amaitzen duten ikasleek (eta familiek), euren Historiala Hezkuntza sailak duen IKASTEA ataritik zuzenean atera ahal izango dute.

Horretarako, aurrez erregistratu egin beharko dira.

Hemen sakatuz, pausuz pausu ikusi ditzakezue erregistratzeari buruzko argibideak.

Lehenbailehen egitea komeni da.

Ezin baduzue lortu, beti bezala, idazkaritzan eskatu beharko duzue.

Batxilergoko eta DBHko gainontzeko ikasleek ere (eta familiek) euren notak ikusi ahal izango dituzte atari horretan bertan aurrez erregistratuz notak banatu ondoren.

Alain Ruiz irabazle Narrazio Laburren Lehiaketan

  • 2016/06/01 |

DBH 2-4ko ikaslea den Alain Ruiz Martinezek Coca-Colak antolatzen duen euskerazko Narrazio Laburreko XIII. Lehiaketan Bizkaiko lehenengo saria irabazi du.

Zorionak Alain!

Eta zorionak baita Nagoreri, bere euskarako irakaslea.

Ohorezko Matrikula

  • 2016/05/27 |

Hauetxek dira, 2015/16 ikasturtean, Batxilergoko 2. mailan Ohorezko Matrikula lortu duten ikasleak:

Ander Eguiluz Alzola (argazkian)

Lorea Cobos Díaz

Paula Ladron de Guevara Burgos (argazkian)

Aitziber Pulido Fernández de Espartero

Lorena Sanz Gómez (argazkian)

ZORIONAK!

Batxilergoko 2. mailako ikasleen agurra

  • 2016/05/20 |

Aurten ere, beste urte bat pasa ondoren, heldu da agur esateko eguna gurekin hainbat urteetan izan ditugun Batxilergoko 2. mailako ikasleei. Gurekin igarotako hainbat momentu gozo gogoan izan ditzatzuela, eta orain hastera zoazten ibilbide berrian izan dezazuela sorte ona.

Ikusi argazkiak irudien galerian.

Ondo izan!

V. Literatura Lehiaketa

  • 2016/05/10 |

Hauek izan dira sarituak V. Literatur Lehiaketan (argazkian):

Iraide Martin (DBH 1-4): Ikas-bidaiarako diru bila

Nagore Bengoetxea (DBH 3-3): Izugarrizko kontzertua

Edurne Primicia (BATX 1-1): (izenbururik gabe)

Jon Ander Llamosas (BATX 1-4): Zoroetxetik hilerrira

Aitziber Pulido (BATX 2-4): (izenbururik gabe)

Hemen dituzue saritutako idazlanak.

Zorionak!

50. urteurrenaren Filatelia erakusketa

  • 2016/05/06 |

Maiatzaren 9tik 14ra Getxoko XXXIII. Filatelia erakusketa izango da eta oraingoan gure zentroa omenduko du, bere 50. urteurrenean.

Algortako Kultur Aretoan bisitatu ahal izango da, 11.00etatik 13.00etara eta 17.00etatik 20.00etara.

Astelehenean, hilaren 9an, erakusketa aretoan bertan, 17.00etatik 20.00etara, posta-gunea jarriko da nahi diren eskutitzetan, txarteletan etab. erakusketaren zigilu-marka berezia ipintzeko. Horretan Julio Caro Barojaren irudia agertzen da. Jardueraren gutun-azalak eta txartelak ere izango dira salgai.

Eskerrak eman nahi dizkiogu Getxoko Filatelia elkarteari eskeinitako omenaldiagatik.

Irudien galerian dituzue sari banaketako argazkiak.

Eskerrikasko!

Ander Marzanak Toledoko pianoko saria irabazi du

  • 2016/05/02 |

Ander Marzanak, DBHko 4. mailako ikaslea,Toledoko Jacinto Guerrero Kontserbatorioko bigarren mailako pianoko lehenengo saria irabazi du.

Sariak, KAWAI markako piano digitala eta 600 euro izan dira.

Zorionak Ander!

DBHko interebaluazioa

DBHko ikasleen bigarren interebaluazioa maiatzekoko lehenengo astean izango da.

Ikasleen martxari buruzko informazioa, azken ebaluazioa egin aurretik,  E-INIKAren bidez helaraziko da "ANOTAZIOAK" atalean.

Azken ebaluazioa, boletinak entregatuz, ekainaren 17an egingo da.

Sub 19 USA selekzioak, Ander Egiluzekin, Slovakia Cup-a irabazi du

  • 2016/05/01 |

Estatu Batuetako sub 19 selekzioak, bertan Batxilergoko 2. mailako Ander Egiluz ikasleak jokatuz, Slovakia Cup-a irabazi du Errusiaren aurka (2-1) apirilaren 29an.

Irakurri albistea hemen sakatuz.

Zorionak Ander!

Espainiako Bankuan

  • 2016/04/23 |

Ekonomia ikasten ari diren Batxilergoko lehenengo mailako ikasle talde bat (argazkian; irudien galerian handiago ikusi dezakezue) eta bi irakasle, Espainiako Bankuak Bilbon daukan egoitzan izan ziren atzo.

Erakunde horrek dituen zereginak eta ekonomian duen eraginaz hitz egin zieten.

Oso gustora atera ziren bisitalditik jasotako harreragatik.

Booktrailer lehiaketa

  • 2016/04/09 |
  • Lexuri Ayo

Aurten 1.3, 1.4 eta 3.3 klaseek Galtzagorri Kultur Elkarteak antolatzen duen Booktrailer lehiaketan parte hartu dute.

Lehenengo mailakoek Jon Arretxeren Beti iparralderantz liburua irakurri dute eta hirugarren mailakoek Miren Agur Meaberen Zer da, ba, maitasuna?

Lana eginda dago eta orain, apirilan zehar, publikoak booktrailer onenari botoa eman diezaioke lotura honen bitartez bozkatuz.

Gure zentruko taldeak hauexek dira: Shangabi, MLRM, LAMJ, Booktrailerpro, Los bookzaleak mago, Nerea Asier eta Oier, Hoberenak, NJIK, ADJN, Luki luak, Horse meat eta JJGA.

Animatu eta parte hartu, botoa ematen dutenen artean e-reader bat zozketatuko dute eta!

 

Saria Jon Rodriguezentzat

  • 2016/04/07 |

Jon Rodriguez Aranguren (argazkian), Batxilergoko lehenengo mailako ikasleak, irabazi zuen duela gutxi insititutuko 50. urteurrenaren kartela aukeratzeko eratutako lehiaketa.

Gaur jaso du Gurasoen elkarteak emandako 300 euroko saria.

Zorionak Jon!

Ander Egiluz Estatu Batuetako Sub 19 selekziora

  • 2016/03/28 |

Ander Egiluz, Batxilergoko 2. mailako ikaslea (argazkian, bere taldearekin, erdian, lehenengo hileran), Estatu Batuetako Sub 19 selekziorako deitu dute apirilaren 20tik 30era Slovakia Cup-a jokatzeko .

Albistea El Mundo egunkarian irakurri daiteke hemen sakatuz.

Zorionak Ander!

Ander Marzanak pianoko Lehenengo Saria lortu du

  • 2016/03/17 |

DBH-4ko Ander Marzana Rincones ikasleak Euskadiko Musikari Gazteen Lehiaketan, tekla (piano) modalitatean, Lehenengo Saria lortu du.

Argazkian, Cristina Uriarte Sailburuaren ondoan, sariarekin.

Hemen sakatuz, Diario Vasco egunkariak argitaratutako albistea irakurri dezakezue eta azpian duzue emanaldiaren bideoa .

Zorionak Ander!

 

Londres 2016

  • 2016/03/15 |

Urtero bezala garai honetan, institutuko Ingeleseko Departamenduak irteera bat antolatu du Batxilergoko lehenengo mailako ikasleentzat.

Irteera horri esker hainbat ekitaldietan parte hartu ahal izango dute eta hainbat leku ikusi.

Irudien galerian dituzue handik bidalitako argazki batzuek.

Argazki honetan, taldea, Loiuko aireportuan, hegazkinera igo aurretik.

Alemaniarekin elkartrukea

  • 2016/03/22 |

Dagoeneko itzuli dira Garbsenen izan diren gure ikasle eta irakasleak,  Erasmus + proiektuaren barruan, Alemania, Hungaria eta Norvegiako ikasleekin batera egin den egonaldian parte hartuz, hain zuzen.

Han ibili dira, 11tik 18ra bitartean, eta aukera izan dute hainbat momentu eta esperientzia konpartitzeko .

Argazkian, Amsterdameko aireportuan irten aurretik.

Egitarauaren berri gehiago izateko, sakatu hemen.

 

50. urteurrenaren kartel irabazlea

  • 2016/03/04 |

Institutuko 50. urteurrenaren ekitaldien berri emango duen kartela aukeratzeko antolatu genuen lehiaketak badu irabazlea. JON RODRÍGUEZ ARANGURENek, Batxilergoko lehenengo mailako ikasleak irabazi du.

Laister emango diogu Gurasoen elkarteak eskainitako saria, 300€ hain zuzen.

Mila esker parte hartu duzuen ikasle eta ikasle ohi guztioi.

Hemen duzue saritutako kartela.

Zorionak Jon!

Kimikako Olimpiada

  • 2016/03/03 |

Otsailaren 26an, ostirala, ospatu zen EHUko Leioako kanpusean, Kimikako Olimpiadetako saioa .

Beste behin ere, gure zentroaren partaidetza paregabea izan zen.

Gogoratu zelako emaitzak lortu genituen iaz! Ea errepikatzen ditugun aurten!

Informazio gehiago nahi izanez gero, sakatu hemen.

Zorionak denoi!

Literatur lehiaketa

Oinarriak:

  1. Ordenagailuz idatzitako 150-200 hitz inguru.
  2. Idazlana alboko irudian oinarritu behar da.
  3. Idazlanak, apirilaren 8a baino lehen, euskarako irakasleei aurkeztu beharko zaizkie.
  4. Sariak:

A eredua:

  • DBH:1. saria: 25€ko opari txartela
  • BATX:1. saria: 25€ko opari txartela 

D eredua:

  • DBH: 1. saria: 25€ko opari txartela
  • BATX: 1. saria: 25€ko opari txartela

Institutuko aspaldiko argazkiak

  • 2016/01/29 |

Institutuko 50. urteurrena ospatzekotan geranez, aspaldiko argazkiak nahi genituzke irudien galerian ipini eta erakusketa bat antolatzeko.

Eskertuko genizueke helbide honetara bidaltzea: 014299aa@hezkuntza.net

Eskerrikasko!

Elkartrukea Scituateekin (Massachusetts, USA)

  • 2016/01/20 |
  • Ingeleseko departamendua

Gure institutuko Ingeleseko departamendua Scituate (Massachusetts)-eko Scituate High School ikastetxearekin hurrengo elkartrukea prestatzen hasia da.  

Badira 25 urte elkartruke hau egiten hasi ginenetik. Hamabost egunetako esperientzi zoragarri hau hainbat eta hainbat ikasleek bizi izan dute: amerikar bizitzeko estiloa ezagutu bertako familia batekin. Ahaztu ezinekoa!

Gure ikasleak irailean joango dira eta hangoak udaberrian etorriko dira. Guztira 15 egun izango dira.

Ikasle kopurua mugatua da: 20

Ordaindu beharrekoa: 1500€ gutxi gorabehera, lau zatitan.

Interesdunek Ingeleseko departamendura jo behar dute, eta baimena eraman, urtarrilaren 26rako.

Argazkian, aurreko elkartrukean parte hartu zutenak.

Artigaseko zabortegira bisitaldia

  • 2016/01/22 |

AGENDA 21eko ekintzen artean, DBHko 3-1 eta 3-4 taldeetako ikasleak, gehi Gela Iraunkorreko ikasle talde bat, Artigaseko zabortegian izan ziren urtarrilaren 13an.

Bertan, hondakinen Murrizketa, hondakin ezberdinen norakoa, Birerabilketa eta Birziklaketaren garrantzia ezagutu zituzten.

Argazki gehiago, irudien galerian.

BTEK-era bisitaldia

  • 2016/01/22 |

Agenda 21 eta Biologia-Geologia departamenduak antolatuta, Batxilergoko 1-1 eta 1-3 taldeetako ikasleak Zamudioko Parke teknologikoan izan ziren urtarrilaren 18an.

Zientziaren Museoa eta biomedikuntza, nanoteknologia eta robotikako tendentzia berriak ezagutu zituzten.

Nanoteknologiarekin zerikusia zuen tailerra landu ondoren, arlo guzti hauei buruzko informazioa eta lanbide-orientazioa jaso zuten

Argazki gehiago, irudien galerian.

Arboledara bisitaldia

  • 2016/01/21 |

DBHko 4. mailako ikasleak atzo La Arboledan izan ziren industrializazioaren eragina inguruan ikusteko eta baita meatzaritzarena ere.

Bisitaldia aprobetxatuz, industria-iraultzaren ondorioak eta arrazoiak eta euskal gizartean sortutako ondorioak (inmigrazioa, langile mugimendua, etab) birpasatzeko aukera izan zuten.

Irudien galerian dituzue argazki gehiago..

Antzerkia ingelesez

  • 2016/01/13 |

Asteartean, hilak 12, gure artean izan genuen MOVING ON antzerki-talde ingelesa.

ONE WAY TICKET izeneko komedia antzestu zuten. Ikusleak-ikasleak biziki inplikatzen dituen antzeslan bat da, oso dibertigarria. Eta aktoreak oso onak!

Having fun... and learning English!

Argazki gehiago irudien galerian.



Haragi kolorea?

  • 2015/12/23 |
  • Pilar Romero

DBHko 2.3 eta 2.4 geletako ikasle talde batek Getxoko Udalak babesten dituen kultur arteko eta arraza arteko proiektuetako tailer baten parte hartu du.

Ekintza plastiko baten bidez arrazari elkartutako koloreei buruz (zuria, beltza, gorria eta horia) erreflexionatu dute eta bakoitzak bere "haragi koloreaz" autorretratua margotu du. Horretarako GARROBI, Getxoko Artisten Harrobiaren laguntza izan dute.

Ekintza hau Angélica Dass artista espainiar-brasildarrak aurkeztu zuen HUMANAE proiektuaren barruan, eta haren helburua bost kontinenteetako biztanleen identitate pertsonalaren desberdintasuna erakusten duten argazkiak biltzea da.

Getxon ekintza hau martxoaren 21ean, Arrazakeriaren kontrako Nazioarteko Eguna de la eta, eskola-tailerretan egin diren argazkien erakusketa batekin amaituko da.

Gabonetako festa 2015

  • 2015/12/23 |

Agur esan diogu urteari azken eguneko ohiko festarekin.

11etan, gimnasioan, gurekin izan ditugu John Travolta eta Olivia Newton-John, berriro gure artean "Grease" filmaren dantzak aurkeztuz.

Zuzendaritza eta produkzioa Juanjo Gonzalezen ardurapean egon dira eta dantzak Batxilergoko 1. mailako ikasleen esku eta hanketan.

Ondoren, Fadurako pistan, Veronika Hormaetxea getxotarrak Ganbian daraman proiektuari laguntzeko asmoz, hainbat kilometro egin ditugu.

Azpian dituzue bideoak, eta argazkiak irudien galerian.

Bordelera txangoa

  • 2015/12/16 |

Gaur irten dira Bordelerantz frantseseko ikasleak.

Ostiralarera arte ibiliko dira handik, eta klasean ikasten ari diren guztia, Teresa eta Davidekin, praktikatzeko aukera ederra izango dute.

Ailegatu aurretik, ardoengatik hain ospetsua den Saint Émilion herritik pasatu eta gelditu ere egin dira, eta argazki hau bidali digute.

Bon voyage!

Argazki gehiago.

Ruta BBVA (lehen Quetzal)

  • 2015/12/12 |

Batxilergoko 2. mailako ikasleentzat interesgarria: zabalik dagoeneko lehen "Ruta Quetzal" orain "Ruta BBVA" programan parte hartzeko epea.

Urtarrilaren 26a arte.

Informazio gehiago: www.rutabbva.com

 

Euskararen astea

  • 2015/12/03 |

Azaroaren 30etik abenduaren 4era, "Euskararen astea" ospatuko dugu institutuan. Hemen duzue zenbait ekitaldiren berri:

ASTELEHENA:

Ana Jaka idazlearekin solasaldia

ASTEARTEA:

M.A. Mintegi idazlearekin solasaldia

"Loreak" filmaren emanaldia

Euskaraokea

ASTEAZKENA:

  • Unai Elorriagaren hitzaldia
  • Euskaraokea

OSTEGUNA (Euskararen eguna):

  • Erromeria, Herri kirolak, kantagintza...

OSTIRALA:

  • Durangoko azokara

 

Euskararen eguna

Haundikiro ospatu dugu gaur Euskararen Nazioarteko Eguna.

Hamaiketako potoloa dastatu ondoren, eta indarrak hartuta, DBHko maila guztien arteko Herri Kirolen lehiaketa izan dugu gimnasioan (lokotxak, gizonproba, sokatira...).

Talde guztiek parte hartu dute.

Irudien galerian dituzue irabazleen argazki batzuek.

TOP 10 EMAITZAK

Orain bi aste institutuan euskal kanten Top Tena egiten hasi ginen.

Egun batzuk eman ditugu botoak emateko eta hauxe izan da emaitza:

POSTUA

ABESTIA

BOTO KOPURUA

1

Ilargia, Ken Zazpi

59

2

Euskaraz bizi nahi dut, Esne Beltza

43

3

Maite zaitut, Pirritx eta Porrotx

42

4

Itsasoa gara, Ken Zazpi

41

5

Lau teilatu, Itoitz

40

6

Negua joan da ta, Zea Mays

40

7

Gogoak, Esne Beltza

35

8

Loretxoa, Exkixu

35

9

Txoriak txori, Mikel Laboa

33

10

Sarri Sarri, Kortatu  

30

11

Zenbat min, Ken Zazpi

28

12

Amets bat, Alaitz eta Maider

27

13

Udarako gau luzeak, Vendetta

25

14

Begietara begira, Vendetta

25

15

Gaueko argiak, Ken Zazpi

24

16

Txanpon baten truke, Alaitz eta Maider

22

17

Alkondarie, Gatibu

21

18

Noizbait, Ken Zazpi

21

19

Zu gabe, Ze esatek

19

20

Euritan dantzan, Gatibu

16

21

Eskutitza, Hemendik at

15

22

Gabak zerueri begire, Gatibu

14

23

Urepeleko artzaina

14

24

Ireki bihotza, Egan

13

25

Pailazo, Gatibu

12

26

Gure ereserkia, Enkore

9

27

Musturrek sartunde, Gatibu

9

28

Guregatik, Hesian

0

2016/08/28
Al As Az Og Or Lr Ig
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
2016/08/28 egungo gertakariak
Egun honetan ez dago gertakaririk.
0 emaitzak erakustea

Ikasketa Historia jasotzea

  • 2016/06/22 |

2015/16 ikasturtean titulua lortu duten Batxilergoko 2. mailako eta DBHko 4. mailako ikasleek dagoeneko Ikasketa Historia IKASTEA ataritik lor dezakete.

Aurrez erregistratu egin behar da eta horretarako argibideak "Dokumentoak" atalean dituzue.

Batxilergoko eta DBHko azken ebaluazioko notak

  • 2016/08/07 |

Ikusi daitezke dagoeneko Batxilergoko eta DBHko azken ebaluazioko notak.

Horretarako, IKASTEA atarira joan behar duzue eta aurrez erregistratu.

Erregistratzeko behar duzuen laguntzarako liburuxka "Dokumentoak" atalean duzue.

Notak eta faltak

  • 2015/10/09 |

Hala nahi izanez gero, dagoeneko, gurasoek zabalik daukate bere seme-alaben notak, faltak etab., ikusi ahal izateko aplikatiboa, hementxe bertan E-INIKA botoian sakatuz.

Aplikatibo horren bitartez baita ere eskura dituzte gurasoek hainbat dokumentu (ez etortzeen justifikantea, zentrotik irtetzeko baimen-orria, irakasgai ezberdinetako programazioak, etab.).

Urriaren lehenengo astean egiten diren gurasoen bileretan banatzen dira sartzeko klabeak. Hala ere, gurasoren batek aurrez nahi baditu klabeak, idazkaritzan eskatu ditzake.

Gogoan izan 2014/15 ikasturteko klabeak aurten ere, 2015/16 ikasturtean, balio dutela.

Gogoratu baita ere, aplikatibo horren bidez, tutorearekin kontaktatu daitekela.

Euskarazko B1 eta B2 agiriak

  • 2015/06/20 |

2014/15 ikasturtean Batxilergoa eta DBH amaitu duten D ereduko ikasleak idazkaritzatik pasa daitezke euskarazko B1/B2 tituluaren agiria jasotzera.

© IES JULIO CARO BAROJA BHI
Telefonoa: 944306443 | Fax: 944306450 | 014299aa@hezkuntza.net